Sponser
Home Telugu bigg boss 4 telugu: Episode 21 Highlights: నాగార్జున ఎదుటే కుమార్ సాయి లొల్లి.....

bigg boss 4 telugu: Episode 21 Highlights: నాగార్జున ఎదుటే కుమార్ సాయి లొల్లి.. అఖిల్, అభిజిత్ మధ్య పుల్ల!! – nagarjuna telugu bigg boss season 4 september 26 written updates; nagarjuna mourns sp balasubrahmanyam death

0
5
Sponser


‘బిగ్ బాస్’ తెలుగు సీజన్ 4 కొత్త ఎంట్రీలతో సరికొత్తగా వినోదాన్ని అందిస్తోంది. ఇప్పటికే రెండు వైల్డ్ కార్డ్ ఎంట్రీలు జరిగాయి. గురువారం మరో వైల్డ్ కార్డ్ ఎంట్రీ ద్వారా హీరోయిన్ స్వాతి దీక్షిత్ హౌస్‌లోకి అడుగుపెట్టింది. ఇదంతా ప్రేక్షకులు చూశారు. ఇక శని, ఆదివారాలు బిగ్ బాస్ ప్రేక్షకులకు వెరీ స్పెషల్. ఎందుకంటే హోస్ట్ నాగార్జున ఎంట్రీ ఇచ్చి హౌజ్‌మేట్స్‌ను ఆడుకునేది ఈ రెండు రోజులే. ఇప్పటికే రెండు శనివారాలు అయ్యాయి. ఈ మూడో శనివారం ఎలిమినేషన్ నుంచి ఎవరు సేవ్ అవుతారా అని ప్రేక్షకులు ఎదురుచూస్తున్నారు. అది చెప్పడానికి నాగార్జున వచ్చేశారు.

ఎప్పుడూ ఒక మంచి పాటతో అదిరిపోయే ఎంట్రీ ఇచ్చే నాగార్జున.. ఈవారం మాత్రం గాన గంధర్వుడు ఎస్పీ బాలసుబ్రహ్మణ్యంకు నివాళి అర్పిస్తూ ప్రేక్షకుల ముందుకు వచ్చారు. ఎస్పీబీకి ఘన నివాళి అర్పిస్తూ సింగర్ సునీత వాయిస్ ఓవర్‌తో ఉన్న వీడియోను ముందు ప్లే చేశారు. ఆ తరవాత నాగార్జున వచ్చి ఎస్పీబీకి నివాళి అర్పించారు.

‘‘ఆ స్వరం ఇక పలకదని, ఆ వరం మనకిక లేదని సరిగమలు కన్నీళ్లు పెట్టాయి.. రాగాలన్నీ బాధపడ్డాయి. పాట మూగబోయింది. సంగీతం తన బిడ్డను కోల్పోయింది. కానీ, ఈ ప్రపంచం ఆయన సంగీతాన్ని ఆస్వాదిస్తూనే ఉంటుంది. దాచుకో స్వామి దాచుకో.. మా బాలుని జాగ్రత్తగా దాచుకో. గాన గంధర్వుడు బాలు గారు.. ఆయనొక జ్ఞాపకం కాదు, జీవితం. ప్రతి రోజూ వినిపించే ఆయన పాటలో మనతోనే ఉంటారు. ఆయన స్వరాన్ని వరంగా మన గుండెల్లోనే దాచుకుందాం. వి లవ్ యు సార్.. ఫరెవర్’’ అంటూ బాలుకి నాగార్జున మాటలతో నివాళి అర్పించారు.

Sponser

ట్రూత్ టవర్ గేమ్.. కుమార్ సాయి లొల్లి
బిగ్ బాస్ వేదికపైకి వచ్చిన నాగార్జున శుక్రవారం హౌజ్‌లో ఏం జరిగిందో చూపించారు. ఆ తరవాత మన టీవీ ద్వారా హౌజ్‌మేట్స్‌‌కు హాయ్ చెప్పి ట్రూత్ టవర్ గేమ్ పెట్టారు. రంగులేసిన థర్మోకోల్ దిమ్మెలను టవర్‌లా పేర్చారు. నాగార్జున పిలిచినవారు వచ్చి టవర్ పడిపోకుండా అందులో ఒక దిమ్మెను తీయాలి. ఆ తరవాత నాగార్జున అడిగే ప్రశ్నలకు సమాధానాలు చెప్పాలి. ఈ ప్రశ్నలు హౌజ్‌మేట్స్‌కు సంబంధించినవి. ఈ టాస్క్‌లో కుమార్ సాయి లొల్లి చేశాడు.

లగ్జరీ టాస్క్ ఆడేటప్పుడు తనను అభిజిత్ అనరాని మాటలు అన్నాడని ఆరోపించాడు. తనను లూజ్ అని, తనను అమర్యాద పరుస్తూ మాట్లాడాడని, ఇక నుంచి ప్రతివారం అభిజిత్‌నే నామినేట్ చేస్తానని అన్నాడు. అంతేకాదు, అఖిల్ ఆయన్ని ఓరేయ్ అన్నాడని తన దగ్గర బాధపడిన అభిజిత్.. తనను అమర్యాదపరుస్తూ ఎలా మాట్లాడతాడని ప్రశ్నించాడు. అఖిల్ తనకంటే తక్కువ చదువుకున్నాడని, తనకంటే వయసులో చిన్నవాడని, అలాంటిది తనను ఎలా ఒరేయ్ అని పిలుస్తాడని అభిజిత్ తెగ ఫీలయ్యాడని.. అలా యితే, అభిజిత్ కన్నా తాను పెద్దవాడినని తననెలా తిడతాడని కుమార్ సాయి ఎమోషనల్ అయ్యాడు.

Bigg Boss Telugu 4

దీంతో హౌస్‌లో కాసేపు సీరియస్ వాతావరణం అలుముకుంది. నేనెప్పుడు ఒరేయ్ అన్నాను అని అభిజిత్‌ను అఖిల్ తగులుకున్నాడు. అభిజిత్ కవర్ చేసే ప్రయత్నం చేశాడు. అయితే, దీనిపై గ్రూప్ డిస్కషన్ అయ్యిందని దేవి నాగవళ్లి వివరణ ఇచ్చింది. మరోవైపు, తాను మాట్లాడిన మాటలు తప్పయితే సారీ అని కుమార్ సాయికి అభిజిత్ క్షమాపణలు చెప్పాడు. దీనికి కుమార్ సాయి కూడా థాంక్యూ చెప్పాడు.

గంగవ్వ ‘మహానటి’..
ఈవారం హౌస్‌లో ముగ్గురుకి మూడు మెడల్స్ వేశారు నాగార్జున. లాస్యతో స్టోర్ రూంలో ఉన్న మెడల్స్ తెప్పించారు. ఒక్కో మెడల్‌పై మహానటి, మహాకంత్రి, మహానాయకుడు అని రాసున్నాయి. హౌస్‌లో ముగ్గురుకి ఒక్కో మెడల్ వేయాలి. తన జట్టును గెలిపించిన అభిజిత్‌కు మహానాయకుడు మెడల్ వేశారు. నాగార్జున స్వయంగా అభిజిత్‌ను మహానాయకుడు అని అన్నారు. ఇక మహాకంత్రి మెడల్‌ను అమ్మ రాజశేఖర్ అవినాష్‌కు వేశారు. చివరిగా.. మహానటి మెడల్‌ను గంగవ్వకు వేశారు. దీని కోసం ఒక సీక్రెట్ వీడియోను చూపించారు నాగార్జున.

లగ్జరీ బడ్జెట్ టాస్క్ జరిగినప్పుడు గంగవ్వ తెలివిగా అఖిల్‌ను బోల్తా కొట్టించిన వీడియోను నాగార్జున చూపించారు. ఈ వీడియో చూసి అంతా షాకయ్యారు. లోపల అభిజిత్‌తో ప్లాన్ చేసి బయటకు వచ్చి అఖిల్ వద్ద గంగవ్వ నటించిన తీరు అమోఘం. దివిని కిడ్నాప్‌ చేయడంలో కీలక పాత్ర పోషించిన మహానటి. అందుకే, ఆమెకు మహానటి మెడల్ ఇచ్చేశారు. ఇక్కడ గమ్మత్తయిన అంశం ఏంటంటే.. ‘‘అట్ల వత్తాదనకులే.. ఆవూల్లో జూత్తార అట్నే’’ అని గంగవ్వ అమాయకంగా అడిగారు.

మాస్క్ గేమ్..
కొన్ని మాస్క్‌లను హౌస్‌మేట్స్ ముందు ఉంచారు నాగార్జున. ఒక్కో హౌజ్‌మేట్ ఒక్కో మాస్క్ తీసుకొని నాగార్జున చెప్పే వ్యక్తి ముందు ఉంచి బ్యాడ్ క్వాలిటీస్ చెప్పాలి.
1. మోనాల్ – అఖిల్‌: అఖిల్ చిన్న చిన్న విషయాలకు అప్‌సెట్ అవుతున్నాడని, కోప్పడతాడని మోనాల్ అంది. అయితే, తనను అభి అని పిలిసిందని.. ముందు నా పేరు తెలుసుకో అని అన్నానని అఖిల్ వివరణ ఇచ్చాడు.

2. నోయల్ – అమ్మ రాజశేఖర్: మాస్టర్ చాలా కుల్లు జోకులు వేస్తున్నారని నోయల్ అన్నారు. కొన్ని సమయాల్లో మాస్టర్ చిన్నపిల్లాడు అయిపోతారని, ఎమోషన్ అవుతారని నోయల్ చెప్పారు.

3. దివి – అభిజిత్: అతను చాలా అమాయకుడు అని అనుకున్నా కానీ బయటికి కనిపించేంత సాఫ్ట్ ఏమీ కాదని లోపల చాలా ఉందని అభిజిత్ గురించి దివి అన్నారు.

4. దేవి – గంగవ్వ: ఎవరినైతే ఇష్టపడుతుందో వారి తప్పు ఉన్నా వారినే గంగవ్వ సపోర్ట్ చేస్తుందని దేవి నాగవళ్లి ఆరోపించింది.

5. అవినాష్ – లాస్య: ఇంట్లో ఏం జరుగుతుందో అని తెగ టెన్షన్ పడిపోతుందని.. అసలు ఇంట్లో ఏం జరిగితే ఆవిడకు ఎందుకని సరదాగా లాస్య బ్యాడ్ క్వాలిటీ చెప్పాడు అవినాష్.

6. సుజాత – అభిజిత్: అందరితోనూ కలవట్లేదు అనే బ్యాడ్ క్వాలిటీ అభిజిత్‌లో కనిపిస్తుందని సుజాత అన్నారు.

7. గంగవ్వ – హారిక: మొహం కడగకుండానే హారిక కాఫీ తాగుతుందని గంగవ్వ ఆరోపించారు. అయితే, తాను బ్రష్ చేసి వేడి నీళ్లు తాగిన తరవాతే డ్యాన్స్ చేయడానికి కూడా వెళ్తా అని.. తనను అవ్వ గమనించలేదని హారిక క్లారిటీ ఇచ్చింది.

8. రాజశేఖర్ – దివి: దేనికి ఏడ్వాలో దేనికి నవ్వాలో దివికి తెలీదని అమ్మ రాజశేఖర్ చెప్పారు.

9. లాస్య – స్వాతి: ఎవరితో క్లోజ్‌గా ఉండాలో స్వాతి ముందుగానే ఫిక్స్ అయ్యి వచ్చిందని.. అదే బ్యాడ్ క్వాలిటీగా అనిపించిందని లాస్య అన్నారు.

ఎలిమినేషన్ నుంచి వీళ్లు సేఫ్..
ఈవారం నామినేషన్స్‌లో ఏడుగురు.. మెహబూబ్, మోనాల్, కుమార్ సాయి, లాస్య, దేవి, అరియానా, హారికలలో శనివారం లాస్య, మోనాల్‌ సేవ్ అయ్యారు. నామినేషన్స్ నుంచి సేవ్ అయ్యే మిగిలిన నలుగురిని ఆదివారం ప్రకటిస్తానని నాగార్జున హౌజ్‌మేట్స్‌కు గుడ్‌నైజ్ చెప్పారు. ఇక రేపు మెహబూబ్, కుమార్ సాయి, దేవి, అరియానా, హారికలలో ఎవరు ఎలిమినేట్ అవుతారో తెలుస్తుంది.



Source link

Sponser

NO COMMENTS

LEAVE A REPLY

Please enter your comment!
Please enter your name here